Chipani Cha Alliance for Democracy AFORD chasuska ma humuhumu ghakuti mulongozgi wa chipani ichi ba Enock Chakufwa Chihana na wachiwiri wawo ba Timothy Mtambo wakukolelana Chara muvakuchita.
Malingana na chikalata icho chipani Cha AFORD chafumya mwahuno pa chinayi icho chasayinilika na mlembi wa chipani ichi ba Anni Amatulla Maluwa.chadidimizga pakuyowoya kuti ba Timothy Mtambo wandathule pasi wudindo wawo mu chipani, wachali kuteweta ndipo ubale wabawiri awa kweniso chipani uchalipo wankhongono.
Makani agha ghavumbukwa apo wanthu wakusinizgana kuti ba Mtambo mbakukweweka pakuleka kuwapo pa kupanga fundo na vidumbirano va chipani ichi.