Wupu wa National Emerging Youth (NEYO) wayamba ntchito ya kusambizga wa ukilano umo bangachitila ma businesi kuti bawe bakujiyimira pa wekha mu boma la Rumphi.
Pakuyowoya na Rumphi FM wapachitengo wa wupu uwu ba Yamikani Ndhlovu wati Iwo chakulata chawo nkhusambizga wachiukirano maluso ghakupambana pambana kusazgilapo umo wangachitila ma businesi kweniso ulimi wakupindula.
Mwakulutulira a Ndhlovu wati wachiukirano pala wakukumana Iwo nkhani yikuwa ya kulera kweniso umo wangajithaskira ku matenda ghakupasana pakugonana pakhe chamahala kuwasambizga umo wangasakatira makopala.
Wakwimilira wa chiukirano mu boma la Rumphi (District youth officer) ba Ipyana Munthali wawonga wupu uwu pakuchitiska masambiro agha chifukwa yovwirenge waukilano umo wangapangira mapulani kweniso malonda.
Mwakulutira walomba bakukhumba kuwemi kuti wovwire wupu uwu kuti ufikire waukilano wanandi mu boma ndipo bapempha waukilano kuti wakwenera kugwiliska ntchito visambizgo ivi kuti umoyo wawo usinthe pakusintha kaghanaghaniro pakuti kubabikira ku banja laukavu nisuzgo lakunanga thazi lawo yayi.
Yumoza mwawaukirano uyo wangutolapo lwande pamasambiro agha Mphatso Moyo wati vimuvwilenge pa bizinesi iyo iye wakuchita ndipo iza munyengo yake.
Wupu wa NEYO ukamba kugwira ntchito zake mu 2024 naovwiri wakufumira mu thumba la wanthu awo wakwendeska wupu uwu.