Wupu ba Malawi Communications Regulatory Authourity (MACRA) wachiska watomakani wamuvigaba (community radio stations) kuti walondezge nthowa zipsa zakagwiliro ka ntchito kweniso kumanya luwiro mauthenga gha utesi.
ivi vayooyeka apo wupu ughu wanguwa na nkhumano na watolamakani wamawailesi yamuvigaba vaku mpoto mu msumba wa Mzuzu kwama dzuwa yawiri kuwasambizga watolamakani pa makani ghakagwiliro ntchito ka nthowa zipsa nga ni internet mwakuti wathandazge makani ghawo ku wanthu wanandi, kweniso na umo wangamanyira makani ghautesi.
Ndipo wati pasono apo nthowa zipsa izi zatola malo vakukhumbikwa kuti awo wakupeleka uthenga muvigaba nawo walondezge nthowa izi wangakhaliranga masinda yaye.
Pakuyooya na wailesi ya Rumphi FM mtomakani waku wailesi ya Likoma community Radio Oliver Malibisa waonga wupu uwu pakughanaghanira mawailesi yamuvigaba agha.
Ndipo mwakusazgirapo wapepha watomakani kuti wagwirise ntchito mwabi ughu mwakuti wakuzge mawailesi yawo.
Watomakani kufumira ku Karonga, Rumphi,Mzimba,Nkhatabay na Likoma ndiwo wangutolapo mwabi pavisambizgo ivi