Yumoza mwa bachiukirano kufuma mu gulu la Rumphi youth hub muboma la Rumphi ba Blessings Munthali wachenjezga bachiukirano na madoda kuti yaleke kuryela maso pa Wana wasungwana apo sukulu zajala.
Ba Munthali Wadumba makani agha apo gulu la Rumphi youth hub languwa na vidumbilano na wupu wa For Better Change (FOBEC) umo wangapwelelera Wana wasukulu maka wasungwana munyengo iyi ya holide apo wupu wa FOBEC ukunozgekera kuchitiska phwando la wimbi pa 12 mwezi uno.
Mulala wakuwona vyama pologalamu ku wupu wa FOBEC ba Mackson Ngulube bayowoya kuti bachiukirano pamoza na madoda ghaleke kupusikika na thupi, musinkhu panji kawonekelo ka mwana msungwana pakuti Iwo wakukula lubiro apo nimwana muchoko.
Mwakudidimizga bati chambula kwenelera kuti uleke udindo wako na ma bizinesi gha kujitukula na kulimbana kweniso kunyengelera mwana muchoko ivyo vikutimbanizga wongo wawo na sukulu kweniso kupasirana matenda ghakupana pakuchita ulewi ndipo umaliro wake ukakhale ku nyumba ya vikondo vilimika vinandi para wasangika.
Iwo watiso nyengo zose bachiukirano na madoda ghakwenera kukumbuka kuti umoyo uwo tilinawo tikwenela kupwelelera nakutukula umoyo withu kweniso kuvikilira Wana basungwana mwakuti wazakawe wakujiyimilira pawekha.
